係咪好忙碌，定係老早搵好playgroup？選定幼稚園？繼續搵緊「名校必入面試班」？仲繼續石屎森林轉轉轉？外國幼稚園生，已經去晒森林上堂！唔係講故仔，森林、野外都成為課室。

森林學校

有一類幼稚園，以野外或大自然模式為主，例如：Cedarsong Nature School、Honeybee Nature School等等，呢類野外大自然學校，早在外國大行其道，同學仔要於極端氣候及森林入面生活，冰天雪地係必然課室之一，早兩三年已於德國、美國、加拿大等國家開辦。

小朋友於「森林幼稚園」上課，可以面對大自然，感受世界上真正的四季轉變與環境，唔係冬天仲著住短袖衣服，離開四道牆壁，走入大自然課室，學習真正世界。

學習成長與自理

小朋友面對不同的大自然氣候及環境，腳下非石屎路或軟墊，而係面對一路的泥濘，與及人生的基本生存保護，面對寒冷、飢餓等人生最基本的問題。當然，學校唔會放班細路出去唔理，小朋友始終無法完全照顧自己，沿途有專業導師在旁，保障小朋友安全！

雖然，香港有人話過，環境問題、場地問題，搞唔呢類，但相信香港家長擔心安全問題多少少，而森林幼稚園導師就話，室內的意外，其實比戶外更多、更危險！

呢類咁先進學習模式，已於德國始普及，而小朋友普遍能夠於大自然中學習，感到寧舍醒神……至於香港家長是否受落就好難講，因為家長們仲要帶住小朋友去不同補習班同興趣班……